من روائع ما كتب المرحوم / محمد الاحمد السديري

بسم الله الرحمن الرحيم

من روائع الامير المرحوم باذن الله : محمد الاحمد السديري ..


نجا في ضميري ..

الله من هم بروحي سهجهــــــــا *** بخافي ضمير في كنين الحشا لاج

احر من نار توقد وهجهـــــــا *** منها خطر روحي على سلك ديباج.

وعين عسى المولى يعجل فرجها *** يفوح ناظرها كما عين هــــــــداج .

استرسلت للدمع مارهجهــــــــــا *** غيض يكض عبارها مثل الامــــــــــواج.

كم واحد له غايتن ماهرجهـــــا *** يكنها لوه للادنين محتـــــــــــــــــــاج.

يخاف من عوجا طوال اعوجها *** هرجت قفا يهرج بها كل هـــــــــــراج.

يقضب عليك المخطيه من حججها *** حلون نباه وقلبه اسود من الصـــــــأج.

الله خلق دنيا وساع فججهـــــا *** وعن مايريب القلب لك كم منهــــــــاج

الرجل وان شطت لياليك سجها *** عسى تواليها تبشر بالافــــــــــــراج.





***********


أبيات فريده ...

ما يستريح القلب لا صار مشـــــغول *** ولا تنعدل نفسن على فقد اهلهـــا

لايشتكي راسي عن الجســم مفصول *** ويمنا تفاخت ما يركب بدلهـــــــــا

واللابه اللي بينها الهرج منقــــــــــول *** تفسد وعن الناس يفسد عملــــهـــا

واذني عن الهراج ماتسمع القــــــــول *** ولا عمر نقال النمايم ختلهــــــــــــــا

دنياي اقسيها على العرض والطــــول *** اخاف اصادف ميلتن من جهلــــــــها


***

كل الشكر والتقدير للجميع ..

مشكور اخوي ولد الديره على تفانيك وانتقاءك للمواضيع الجميلة
دمت بخير