صـــــــدر القصيد 0000

المساهمات : 120 تاريخ التسجيل : 15/05/2008 العمر : 42

وش هو خطايه يوم عمري لك أفنيـت
وش هو خطايه شـف ذنوبـي وقلـي

إن كان قصدك دمعتـي يـوم قفيـت
تـراه جرحـك قـال عنّـه يبلـي

وان كان قصدك بيت شعري وماأبديت
ترى خفوقي ضاق فـي ثـوب كلـي

كم فوق صدر الشعر للضيـق غنيـت
وشقيت صدر الهـم وأطفيـت غلـي

يا صاحبي مثلي عن العيـب خطيـت
أنا حروفـي شمـس والنـور ظلـي

إن كان نبضك قال ويني؟؟ وصديـت
لا تحسب إنـه مـن عمـوم التغلـي

عجزت وحدي وأنـت عنـي تخليـت
حاضر.. ولكن ويـن؟ قـدره محلـي

والبارحـة بالـذات تـدري تمنـيـت
إنـي أغيـب وكـل عمـري يولـي

إن كان ظلمك ما تشوفه ترى أخطيـت
والله مـدري كيـف مثلـك يصلـي

مدام جرحك في حياتـي بنـى بيـت
أظـن قلبـك شـوك ورده يسـلـي

ما أبغاك ترجع يوم تصحى تقول ليت
ما عاد ينفـع صـوت حسـك يهلـي

خذني جنازة واحسـب إنـي توفيـت
يمكن شعورك يـدرك اللـي حصلـي

واقرآ قصيدي كل ما أصبحت وأمسيت
واذكـر دموعـي يـوم تهنـى بذلـي

دمتم بخير